LALAKI, NAIPIT SA PAGITAN NG DALAWANG BUS, PATAY!LALAKI

LALAKI NASANDWICH NG DALAWANG BUS SA EDSA

 

ISANG DI PA NAKIKILALANG LALAKI ANG NAIPIT SA DALAWANG BUS NA NAG-GITGITAN SA EDSA CUBAO NORTHBOUND ALAS TRES Y MEDIA KANINANG MADALING ARAW.

NAKATIGIL ANG BUS NA BIYAHENG MALANDAY SA KANANG LANE. MAPAPANSING KAKAUNTI NA LANG ANG ESPASYO PARA SA IBANG BUS SA TABI. ANG BUS NA ITO SA KALIWA NA BIYAHENG SM FAIRVIEW, NAGSUMIKSIK.

TAMANG TAMANG MAY LALAKING HUMABOL PARA SUMAKAY NGUNIT NAIPIT.

DUGUAN NA NANG MAABUTAN NG NEWS TEAM ANG LALAKING HINDI MAIALIS SA KINALALAGYAN NANG MAGDADALAWANG ORAS. PAPAANO'Y KAPAG INURONG ANG ISA SA MGA BUS AY TIYAK NA MAIIPIT ITONG LALO AT MAGUGULUNGAN.

NATANGGAL RIN ANG LALAKI SA GITNA NANG IANGAT NG MMDA ROAD EMERGENCY GROUP ANG ISANG BUS GAMIT ANG CRANE. AGAD NAMANG ISINUGOD ANG BIKTIMA SA OSPITAL.

AYON SA MMDA OFFICER NA SI DANIEL MAGHINAY, NASA NO LOADING/UNLOADING ZONE NA ANG KINALALAGYAN NG DALAWANG BUS NANG MAY MAIPIT NA LALAKI. MAY CLOSED DOOR POLICY RING IPINATUTUPAD NGUNIT SADYANG MATIGAS ANG ULO NG ILANG MGA BUS DRIVER KUNG KAYA'T NAGTATANGKA PA ANG ILANG MAGSAKAY KAHIT MAPANGANIB NA PARA SA MGA PASAHERO.